როგორ იყენებდა საბჭოთა კა–გე–ბე დაზვერვაში ლამაზ ქალებს?
როგორ იყენებდა საბჭოთა  კა–გე–ბე  დაზვერვაში ლამაზ ქალებს?
მზვერავი ქალი ზოგს სახუმარო თემა ჰგონია, თუმცა ასე არ გახლავთ. საბჭოთა უშიშროებაში უამრავი ლამაზი ქალი მსახურობდა, თუმცა მათი შერჩევის კრიტერიუმები ძალიან მკაცრი იყო.

მზვერავად მუშაობის მსურველ ქალს მოეთხოვებოდა მტკიცე ფსიქიკა, მაღალი თვითკონტროლი, კარგი მანერები, ინტელექტი, ერუდიცია და, რა თქმა უნდა, უცხო ენების ცოდნა, რადგან ზოგჯერ უცხოეთში წლების მანძილზე ცხოვრობდა. მაგალითად, ზოია რიბკინამ, რომელსაც საბჭოთა კავშირში საბავშვო მწერლის ზოია ვოსკრესენსკაიას სახელით იცნობდნენ, საგარეო დაზვერვაში 25 წელი გაატარა.

...КГБ-ში ქალებს გამომძიებლად არ ამუშავებდნენ, თუმცა ხშირად მაღალ თანამდებობებს ანდობდნენ. მაგალითად, 80-იან წლებში სახელმწიფო უშიშროების კომიტეტის ერთ-ერთ ქვედანაყოფს გალინა სმირნოვა ხელმძღვანელობდა.

საბჭოთა უშიშროებაში მშვენივრად იცოდნენ, რომ ლამაზი ქალი ადვილად იქცევს ყურადღებას და მიზანსაც ადვილად აღწევს, ამიტომ სამსახურში მიღების დროს უპირატესობას ლამაზ ქალებს ანიჭებდნენ.
ქალის გარეგნობას სპეციალური კომისია აფასებდა. კონკურსში გამარჯვებულებს, მზვერავის უნარებთან ერთად, მამაკაცის ფსიქოლოგიის თავისებურებებს ასწავლიდნენ.

მაცდური აგენტი ქალის მშვენიერი მაგალითი იყო მსახიობი ოლგა ჩეხოვა. ის 1932 წელს საცხოვრებლად გერმანიაში გაგზავნეს. თავისი მომხიბვლელობის წყალობით, ჩეხოვამ მოახერხა ფაშისტურ გერმანიაში ჰიტლერის შემდეგ მეორე კაცის, რაიხსმარშალ გერინგის საყვარელი
გამხდარიყო. გერინგისა და სხვა თაყვანისმცემლებისგან მიღებულ ძვირფას ინფორმაციას ჩეხოვა სამშობლოში აგზავნიდა.

თქვენი სხეული თქვენი იარაღია - ასწავლიდნენ КГБ-ში სექსუალურ აგენტ ქალებს და სექსის მრავალფეროვნების ასათვისებლად, პერიოდულად პორნოგრაფიულ ფილმებსაც აყურებინებდნენ. ყაზანთან არსებობდა სპეციალური სკოლა, სადაც მგზნებარე კომკავშირელ გოგონებს ცივსისხლიან და ცინიზმით სავსე აგენტებად ზრდიდნენ. სკოლაში მასწავლებლებად, ქალების გარდა, არატრადიციული ორიენტაციის მამაკაცებიც მუშაობდნენ!

სპეციალურად წვრთნიდნენ ქალებს, რომლებსაც კომპრომატების შეგროვების მიზნით სამაგალითო მეოჯახის ცდუნებაც კი შეეძლოთ. კომპრომატების შესაგროვებლად ცდუნების ფაქტებს ფირებზე ინახავდნენ. ყველა დიდ სასტუმროში, სადაც უცხოელები ცხოვრობდნენ, სპეციალური მოწყობილობა იყო დამონტაჟებული, რომლის საშუალებით მოსმენა და გადაღება ხორციელდებოდა. მაკომპრომეტირებელი კადრების სანაცვლოდ, უცხოელი პოლიტიკოსების უმეტესობა საბჭოთა КГБ-თან თანამშრომლობას არჩევდა.
ზოგჯერ ისეც ხდებოდა, რომ ზოგიერთი პოლიტიკოსის მენტალიტეტის თავისებურებების გამო, საბჭოთა უშიშროების გეგმები კრახით სრულდებოდა. მაგალითად, ინდონეზიის პრეზიდენტს აჰმედ სუკარნოს რამდენიმე რუს ლამაზმანთან მისი სასიყვარულო ურთიერთობის ამსახველი ფირი რომ აჩვენეს, საბჭოთა ხელისუფლების საჩუქრით აღფრთოვანებული დარჩა.
FaceBook Twitter Google
ელფოსტაბეჭდვა
loading...
მსგავსი სიახლეები
loading...
შემოგვიერთდით FACEBOOK-ზე
loading...
მთვლელები