"მამაომ ჩაამთავრა ლოცვები, მოტრიალდა ხალხისკენ და აუტყდა სიცილი" - ამბავი გურიიდან
"მამაომ ჩაამთავრა ლოცვები, მოტრიალდა ხალხისკენ და აუტყდა სიცილი" - ამბავი გურიიდან
სოციალური მუშაკის "ფეისბუქზე" გავრცელებულმა ჩანაწერმა სოციალური ქსელი გაახალისა.

“უცხო ადამიანებთან ურთიერთობა ჩემი სამსახურის ნაწილია. ყოველ დღე ვხვდები სხვადასხვა ფსიქოტიპს. წარმომავლობიდან გამომდინარე მათ ეთნოფსიქიკასაც ვეცნობი და შესაბამისად ვარჩევ საურთიერთო დამოკიდებულებას. ყველაზე მეტად გურულებთან მსიამოვნებს ურთიერთობა, რადგან, როგორც არ უნდა უჭირდეთ, გურულები არასდროს კარგავენ იუმორის გრძნობას.

...დღეს გურულებთან გახლდით მათი სოციალური ყოფის შესასწავლად. ჩათვალეს, რომ მათ შესახებ ყველაფერი უნდა მოეთხროთ ჩემთვის აწმყოც და წარსულიც. წარსულის მოყოლაში ჩამიყვანეს გურიაში, მომატარეს და დამათვარიელებინეს მათი სოფელი საიდანაც ჩამოვიდნენ და მივიდნენ სახალისო ამბის მოყოლაზე. მაშ ასე, ახლა თქვენც
გაიგებთ ერთ სახალისო ამბავს.
ოჯახის დიასახლისი მიყვება.

- ბოლშევიკობისას, როგორც მთელ გურიაში, ისე ჩვენთანაც ეკლესია დაგვინგრიეს სასიკტილეებმა, მაგენი ამოწყვიტა მამაზეციერმა ერ დღეს! ჰოდა ამ ათიოდე წლის უკან შევაგროვეთ ფული, დავიხმარიეთ ბიზმესმენები და ახალი ეკლესია ავაშენეთ. ამევიდა რაიონიდან მამაო და დეიწყო წირვა- ლოცვების ჩატარება. ერთ დღეს გადმოგვხედა და ასე თქვა, მიორედ რომ ამუალ თავსაფრის გარეშე არაკაცი არ ვნახოვო. მევიდა კვირა დღე და მე როგორც ბეჯითი მოსწავლე თლად წინ დავდექი, მეტი მადლი გადმოვა ჩემზეთქვა.

გამევიდა მამაო, ზურგით დადგა ჩვენსკენ და დაიწყო ლოცვების კითხვა. ჩაამთავრა ლოცვები, მოტრიალდა ხალხისკენ და აუტყდა სიცილი, თანაც იმფერი რომე გადაბჟირდა აი კაცი. მოვბრუნდი ახლა მეც ხალხისკენ და რას ვხედავ, ქალებს ხომ და კაცებსაც წოუკრავთ თავსაფრები და ამოუნასკვიათ ყრონტში. აი აბდლები ვერ ხთებოდენ რეიზა იცინოდა მამაო. მეც წარმოვიდგინე ეს სურათი და გულისწასვლამდე ვიცინე მათ ოჯახში.”

FaceBook Twitter Google
ელფოსტაბეჭდვა
loading...
მსგავსი სიახლეები
loading...
24-04-2018
4 ტყუპის დაბადება იშვიათი მოვლენაა. ექიმების თქმით, ასეთი რამ დაახლოებით 700 ათას შემთხვევაში ერთხელ ხდება. რადგან ასეა, გამოდის, ბათუმში, დიმა კოღუაშვილისა და ნონა ვარშანიძის ოჯახი შვიდასიათასს შორის ის ერთი და გამორჩეულია, რომელშიც 4 ტყუპი იზრდება - 2 ბიჭი და 2 გოგო. ბავშვების დედა თავადაც ტყუპისცალია. ტყუპებს - ანდრიას, დიმიტრის, ბარბარესა და მაიას კიდევ უფროსი და - ნინი და უმცროსი ძმა - ალექსანდრე ჰყავთ. ექსვშვილიანი ოჯახის დიასახლისი ამბობს, რომ ეს არსებები მისი და მეუღლის ყველაზე დიდი სიმდიდრეა. სადაც კი დავდივართ ამ ბავშვებთან ერთად, ყველგან თბილი, ღიმილიანი და სიკეთით სავსე მზერა დაგვყვება. სრულად უცნობები გვაჩერებენ და გამოგველაპარაკებიან. "თქვენ გაიზარდეთო" - სიყვარულით მოაძახებენ ხოლმე მოხუცები. ესენი ბავშვები კი არა, პოზიტივის მარცვლები არიან.



ნონა ვარშანიძე:

- ბედნიერი ვიყავი, როდესაც გავიგე რომ ტყუპების დედა უნდა გავმხდარიყავი, მაგრამ არ მეგონა, რომ ოთხის ერთდროულად. ორსულობა გართულებების გარეშე მიმდინარეობდა. საკეისრო კვეთით ვიმშობიარე. ბიჭები უფრო დიდი წონისანი დაიბადნენ: ერთი 2,200 კგ, მეორე 2 კგ, გოგონები 1,900 კილოები. სახელები ორს მე შევურჩიე, ორსაც - მეუღლემ. პირველ თვეში ბუნებრივად ვკვებავდი, მერე გადავედი კომბინირებულ კვებაზე. სიძნელეს ის წარმოადგენდა მხოლოდ, რომ ოთხივეს ერთად უნდებოდათ კვებაც, დაძინებაც... ამ ბავშვების ამქვეყნად მოვლენის დღიდან ჩემი და ჩემი მეუღლის ლექსიკონში არ არსებობს: ავად ვარ, არ შემიძლია... ჩვენ ყოველთის კარგად და შემათებით ვართ, რომ ამ ოთხს მივხედოთ, დამატებით მეხუთეს და მეექვსეს.


უფროსი ქალიშვილი უკვე სტუდენტია. ტყუპები 5 წლისანი არიან, ალექსანდრე 3-ის. ეს ნაბოლარა მეხუთე ტყუპისცალს უდრის, იმიტომ რომ ყველაფერში ტყუპებს ბაძავს და არაფრით არ უნდა შეიმჩნიოს მათ შორის არსებული 2 წელი, არც ფიზიკურად და არც საქციელით. გამოსდის თუ ვერ გამოსდის, სჭირდება თუ არ სჭირდება, ყველაფერს იძახის, აკეთებს, ისე როგორც ტყუპები. ალექსანდრეში, ორივე ძმა, დიმა და ანდრიაა გაერთიანებული, ცოტა ეშმაკობაც აქვს, ცოტა სიდინჯეც და ძალიან საყვარელია.   - ვიზუალურად ტყუპები ჰგვანან ერთმანეთს?

- რომ შეხედავ მიხვდები, რომ დედმამიშვილები არიან, მაგრამ ტყუპებივით არ გვანან. მე და ჩემს დას ვერ გვარჩევდნენ ერთმანეთისგან. როგორაა იცით, ქალ-ვაჟი წყვილ-წყვილად ჰგავს ერთმანეთს. ერთ წყვილს ღია ფერის თმები და თვალები აქვს, მეორეს - მუქი. ქერები უფრო დინჯები არიან, შავგვრემანები - სხარტები. ოთხივე ერთად კი თამაშობს, მაგრამ წყვილებად როცა ნაწილდებიან, ანდრია და ბარბარე ყოველთვის ერთ გუნდში არიან, დიმიტრი და მაია - მეორეში. ოთხივეს რომ დავაწვენ დასაძინებლად, დილით იქით ანდრია და ბარბარე მხვდებიან ჩახუტებული, აქეთ - დიმიტრი და მაია. განაგრძეთ  კითხვა
შემოგვიერთდით FACEBOOK-ზე
loading...
მთვლელები