რომელ სფეროში მიაღწევენ ზოდიაქოს ნიშნები ფინანსურ წარმატებას
რომელ  სფეროში  მიაღწევენ  ზოდიაქოს  ნიშნები  ფინანსურ  წარმატებას
ადამიანების დიდი ნაწილი, თუ ყველა არა უმთავრესთაგან ოცნებობს იმაზე, რომ ცხოვრების მანძილზე მყარი ფინანსური საფუძველი შეიქმნას. თუმცა გზა, რომლითაც ფული უნდა გამოვიმუშაოთ, ხშირად აბსოლუტურად არასწორად იყოს შეიძლება შერჩეული. ამიტომაც არის დღესდღეობით გავრცელებული სიტუაცია - საძულველი სამსახური, საძულველი უფროსი, მოვალეობები, რომელსაც მხოლოდ ფულის გულისთვის ვასრულებთ. მთავარი კი მაინც მოტივაციაა, რომელიც მხოლოდ საყვარელი საქმის შესრულების პროცესში ჩნდება და არა ნაძალადევად საკუთარ თავზე აღებულ მოვალეობებში. ასტროლოგები თვლიან, რომ ყველა ზოდიაქოს ნიშანს თავისი, ინდივიდუალური საქმიანობის სფერო(ები) გააჩნია. შესაბამისად, თუკი გული მაინც არ გიშვებთ, სტაბილური და შემოსავლიან თუმცა კი საძულველი სამსახური ერთხელ და სამუდამოდ მიატოვოთ, იქნებ თქვენი ზოდიაქოს ნიშნისთვის მისაღები ჰობით მაინც დაკავდეთ და ნახოთ, რამდენად სასიამოვნოა ის ფაქტი, რომ ფულს საყვარელი საქმის კეთებით შოულობთ.

ვერძების დიდი ნაწილი აქტიური და შემოქმედებითი ადამიანია. მათთვის იდეალურია პიარის, მარკეტინგის, მენეჯერის პროფესია. ისინი ყველგან კარგად გრძნობენ თავს, სადაც ლიდერობაა საჭირო. შესაძლოა ფული შოუბიზნესშიც იშოვნონ ან სულაც აზარტული თამაშების ბიზნესში.

კუროებს სტაბილურობა უყვართ. ამიტომ რისკზე იშვიათად მიდიან, თუნდაც მოგების შანსი ძალზე დიდი და გარანტირებული იყოს. ასტროლოგები ურჩევენ კუროს დამატებითი შემოსავლის მოზიდვა კულინარიით ან ფლორისტიკით (მცენარეების მოვლა-გაშენებით) სცადოს. ეს ის საქმიანობაა, რომელიც კუროს ძალიან უყვარს.

ტყუპი ცვალებადი, მოუსვენარი ხალხია. ამიტომ ისინი ჩვენი რჩევის გარეშეც ხშირად ფლობენ ორ ან სამ, სხვადასხვა სამსახურს. თუმცა, თუკი ინტერესების სფეროს ტყუპი საგამომცელო საქმეს, კომერციას ან ჟურნალისტის პროფესიას დაუმატებს, შეიძლება მისი ფინანსები გაორმაგდეს.

კირჩხიბი წინდახედული და საკმაოდ ხელმომჭირნეა, როცა ფულს ეხება საქმე. მას დაზოგვაც კარგად ეხერხება და ალღოც საკმარისად უჭრის, ფულის შოვნის გზებს რომ მიაკვლიოს ყოჩაღად. თუმცა, ასტროლოგები კირჩხიბს ურჩევენ დამატებითი შემოსავლის წყაროდ პედაგოგიკა, ბავშვებთან მუშაობა, სარესტორნო ბიზნესი ან ხელსაქმე აქციოს. ასე იგი სოლიდურ თანხას გამოიმუშავებს.

ლომების
მეფურ ხასიათსა და სიამაყეს არ შეეფერება ფულზე წუწუნი. თუმცა, ნებისმიერ ლომს უყვარს ხელგაშლილი ცხოვრება. ამიტომ ასტროლოგები ლომს ურჩევენ, საიმისოდ რომ გამუდმებით არ აღმოჩნდეს ვალებში, დამატებითი შემოსავლის მოზიდვა შოუმენობით, მოდელის ან ფოტოგრაფის პროფესიით სცადოს.

ქალწულების დიდ ნაწილს იშვიათად უჭირს ფინანსურად. იმიტომ რომ ზოდიაქოს ამ ნიშანს იშვიათად ჰყავს "ღარიბები" - გასაოცარი შრომისმოყვარეობისა და მუყაითობის გამო. ქალწულს შრომის არ ეშინია, თუმცა სასურველია, ჰობის სახით მან თავის ფინანსურ შემოსავალს ფარმაცევტული ბიზნესით, კერვა-კონსტრუირების ან დიზაინერის საქმიანობით მიღებული თანხაც დაუმატოს.

სასწორი ჰარმონიისა და რომანტიკის დიდი მოყვარულია. ამ გალანტურ ხალხს ლამაზად ცხოვრება უყვარს და შეუძლია. ისინი შესანიშნავი დიპლომატები არიან. თუმცა სასურველია, თუკი ჰობის სახით შემოსავლად აქცევენ საქმეს, რომელშიც ზუსტად რომ დიპლომატიაა საჭირო - ანუ ფსიქოლოგის, კონსულტანტის, დიზაინერის, კოსმეტოლოგის ან სულაც დღესასწაულების ორგანიზატორის პროფესიას.   განაგრძეთ  კითხვა
FaceBook Twitter Google
ელფოსტაბეჭდვა
loading...
მსგავსი სიახლეები
loading...
მთვლელები